شیخوپورہ: گھریلو جھگڑے پر خاوند کی بیوی، 2 بیٹیوں کو قتل کرنے کے بعد خودکشی

شیخوپورہ(نامہ نگارخصوصی)تھانہ بی ڈویژن کے علاقہ ٹوکریاں والا بازار میں سفاک شخص نے بیوی سے جھگڑنے کے بعد مشتعل ہو کر فائرنگ کرکے اپنی جواں سالہ 2بیٹیوں اور بیوی کو قتل کرنے کے بعد خود کو بھی فائر نگ کر کے خودکشی کر لی 4افراد کے قتل کی لرزہ خیز واردات کے بعد علاقہ میں کہرام مچ گیا۔ ٹوکریاں والا بازار کے رہائشی عابد حسین ورک کا اپنی بیوی شگفتہ بی بی سے جھگڑا ہو گیا جو توں تکرار سے قتل تک پہنچ گیا ملزم عابد حسین ورک نے پہلے اپنی 23 سالہ بیٹی نورالعین اور پھر22سالہ ایشاء کو فائرنگ کرکے قتل کر دیا جو موقع پر ہی دم توڑ گئیں بعدازں اس سے اپنی بیوی شگفتہ بی بی پر فائرنگ کر دی اور پھر خود کو بھی گولی مار لیں جس سے شدید زخمی ہوگئے ریسکیو1122نے اطلاع ملتے ہی فوری طور پر زخمی میاں بیوی کو ہسپتال منتقل کیا مگر ہسپتال پہنچ کر میاں بیوی بھی زخموں کی تاب نہ لا کر دم تور گئے پولیس مصروف تفتیش ہے،جبکہ وزیر اعلیٰ پنجاب مریم نواز نے چوہرے قتل کی لرزہ خیل واردات کی رپورٹ طلب کر لی ہے ۔