قصور : ریکوری کیلئے جاتے ملزموں کا پولیس پر حملہ ‘ فائرنگ سے زیر حراست ڈاکو زخمی 

قصور(نمائندہ نوائے وقت) قصور کے نواحی گاؤں تھہ شیخم میں پولیس کی زیر حراست ڈاکو فلک شیر اوڑھ کو ریکوری کے لیے لیکر جارہے تھے کہ روشن بھیلہ کے قریب زیر حراست ڈاکو کے تین ساتھیوں نے ساتھی کو چھڑانے کے لیے پولیس پرحملہ کردیا۔ حملہ آور ڈاکوؤں کی فائرنگ سے زیر حراست ڈاکوفلک شیر اوڑھ زخمی ہوگیا۔ زخمی ڈاکو کو ڈسٹرکٹ ہسپتال قصور منتقل کردیا گیا ہے۔ پولیس نے فرار ملزموں کی گرفتاری ٹیمیں تشکیل دے دی ہیں۔