وزیر خارجہ کی آذربائیجان ہم منصب سے ملاقات: سرمایہ کاری اور پارلیمانی وفود کے تبادلوں پر تبادلہ

نائب وزیراعظم اور وزیر خارجہ اسحاق ڈار نے کہا ہے کہ پاکستان آذربائیجان کی خود مختاری کی مکمل حمایت کرتا ہے جبکہ دونوں ممالک کے درمیان تجارت کے شعبے میں مواقع موجود ہیں۔اسحاق ڈار نے نے آذربائیجان کے وزیرخارجہ کی وزارت خارجہ میں آمد پر ان کا ستقبال کیا۔ بعدزاں نائب وزیراعظم اسحاق ڈاراورآذربائیجان کے وزیرخارجہ نے مشترکہ نیوزکانفرنس کی۔ اس موقع پر اسحاق ڈار نے کہا دونوں ممالک میں مضبوط اور دیرینہ تعلقات ہیں۔اسحاق ڈار نے بتایا کہ آذر بائیجان کے وزیر خارجہ کے ساتھ باہمی سرمایہ کاری، ثقافت، تعلیم، پارلیمانی وفود کے تبادلوں پر تبادلہ خیال ہوا۔ اسحاق ڈار نے آذربائیجان کے مسئلہ کشمیر پرمؤقف کوسراہا ہے۔آذربائیجان کے وزیر خارجہ جہیون بیراموف نے کہا کہ پاکستان اورآذربائیجان کےدرمیان دوطرفہ مضبوط تعلقات ہیں، دونوں ممالک کےدرمیان تجارت کےشعبے میں مواقع موجود ہیں۔