نظریہ¿ پاکستان ٹرسٹ کے زیر اہتمام کلام اقبالؒ ترنم سے سنانے اور تقریری مقابلوں میں کامیاب ہونےوالوں کیلئے تقریب تقسیم انعامات

لاہور (خصوصی رپورٹر) نظریہ¿ پاکستان ٹرسٹ کے زیر اہتمام تقریباتِ یوم اقبالؒ کے سلسلے میں طلباوطالبات کے مابین منعقدہ کلام اقبالؒ ترنم کےساتھ سنانے اور تقریری مقابلوں میں کامیابی حاصل کرنیوالے طلبا وطالبات کو انعامات دینے کیلئے ایوان کارکنان تحریک پاکستان شاہراہ قائداعظمؒ میں ”تقریب تقسیم انعامات “کا انعقاد ہوا۔ ان مقابلوں میں سکولوں اور کالجوں کے طلباوطالبات کی کثیر تعداد نے حصہ لیا تھا۔ تقریب کے آخر میں ممتاز دانشور پروفیسر محمد مظفرمرزا نے کامیابی حاصل کرنیوالے طلبا و طالبات میں انعامات اور سرٹیفیکیٹ تقسیم کیے۔