گوجرانوالہ (نمائندہ خصوصی) پیپلز پارٹی کی قیادت ذوالفقار علی بھٹو اور بےنظیر بھٹو کے مشن کو ترک کر چکی ہے۔ مسلم لیگ (ن) کا منشور ہی ملک کے درخشاں مستقبل کی تصویر ہے۔ ان خیالات کا اظہار پی پی پی شعبہ خواتین کی ضلعی صدر ڈاکٹر رفعت شیخ نے مسلم لیگ (ن) میں شمولیت کے موقع پر کیا۔ اس موقع پر امیدوار مسلم لیگ (ن) حلقہ پی پی 92 نواز چوہان، ایم این اے شاہین اشفاق، شازیہ اشفاق مٹو ایم پی اے، مسز جوائس روفن جولیس ایم پی اے، صدر مسلم لیگ یوتھ گوجرانوالہ ڈاکٹر سمیلہ مشتاق، ولید اکرم بھنڈر، رہنما نسرین اشفاق بھی موجود تھیں۔