معروف اداکار مجیدظریف انتقال کر گئے

لاہور (کلچرل رپورٹر) فلم، ٹی وی اور تھیٹر کے معروف اداکار مجیدظریف انتقال کر گئے۔ وہ طویل عرصے سے علیل تھے۔ وہ دل کے عارضہ میں مبتلا تھے۔ گذشتہ سال ان کا بائی پاس آپریشن بھی ہوا۔ گذشتہ روز ان کی طبیعت زیادہ خراب ہو گئی جس سے ان کی حرکت قلب بند ہو گئی۔ انہیں مقامی قبرستان میں سپردخاک کر دیا گیا۔ مجیدظریف کی عمر 70 سال کے قریب تھی۔ انہوں نے 80کے قریب فلموں میں کام کیا۔ اس کے علاوہ متعدد ٹی وی اور سٹیج ڈراموں میں کام کیا۔