سندھ کی بیوروکریسی میں بڑے پیمانے پر اکھاڑ پچھاڑ، 11 صوبائی سیکرٹریوں سمیت مختلف افسر تبدیل

کراچی(سالک مجید) حکومت سندھ نے صوبائی  بیورو کریسی میں بڑے پیمانے پر اکھاڑ پچھاڑ کرتے ہوئے11 صوبائی سیکرٹریوں سمیت مختلف افسران کے تبادلے اور تعیناتی کے احکامات جاری کئے ہیں۔ سیکرٹری جنرل ایڈمنسٹریشن‘ سیکرٹری صحت‘ سیکرٹری زراعت‘ سیکرٹری کلچر ٹور ازم‘ سیکرٹری کول اینڈ انرجی کو تبدیل کردیا گیا ہے۔ محکمہ سروسز کے نوٹیفکیشن کے مطابق  اقبال  حسین درانی کو سیکرٹری زراعت سے تبادلہ کرکے سیکرٹری صحت (ہیلتھ) تعینات کیا گیا ہے۔ سیکرٹری جنرل ایڈمنسٹریشن مدثر اقبال کا تبادلہ کرکے انہیں سیکرٹری ویمن ڈویلپمنٹ‘ تعیناتی کے منتظر گریڈ21 کے افسر محمد وسیم کو دوبارہ ایڈیشنل  چیف سیکرٹری جنرل ایڈمنسٹریشن تعینات کیا گیا ہے۔ سیکرٹری صحت انعام اثر دھاریجو کا تبادلہ کرکے انہیں سیکرٹری کلچر ٹوازم تعینات کیا گیا ہے۔ محمد اسلم حیات کو ممبر جوڈیشل بورڈ آف ریونیو تعینات سعید اعوان کو ڈائریکٹر جنرل  رورل ڈویلپمنٹ اکیڈمی ٹنڈو جام‘ شاہد گلزار شیخ کو سیکرٹری زراعت تعینات کیا گیا ہے۔ عبد الحفیظ عمرانی کو سیکرٹری کوارڈینیشن اینڈ امپلی مینٹیشن تعینات کیا گیا ہے۔ اعجاز احمد خان کو ایم ڈی تھرکول انرجی بورڈ کا اضافی چارج سونپا گیا ہے۔ احمد بخش ناریجو کو سنیئر ممبر بورڈ آف ریونیو تعینات کیا گیا ہے۔