سڈنی(سپورٹس ڈیسک) آسٹریلوی کرکٹرفلپ ہیوز کو خراج عقیدت پیش کرنے کیلئے پریس کانفرنس کے دوران کپتان مائیکل کلارک آبدیدہ ہوگئے۔ کرکٹ آسٹریلیا نے64نمبر جرسی فلپ ہیوز سے منسوب کردی۔آسٹریلوی کھلاڑی غم سے نڈھال دکھائی دیتے ہیں،کپتان مائیکل کلارک، فلپ ہیوز کو خراج عقیدت پیش کرنے کیلئے پریس کانفرنس میں آئے۔اور انتہائی جذباتی ہوگئے۔کلارک کا کہنا تھا کہ آج بھی ہماری آنکھوں کے سامنے اسکا ہنستا مسکراتا چہرہ اور چمکتی آنکھیں ہیں۔آسٹریلیوی کپتان مائکل کلارک نے اس موقع پر ہیوز کی اہل خانہ کے ساتھ اظہار ہمدردی کا اظہارکیا،فل ہیوز میدان میں چونسٹھ نمبر جرسی استعمال کرتے تھے، کرکٹ آسٹریلیا کے مطابق اب کوئی آسٹریلوی کھلاڑی چونسٹھ نمبرکی جرسی زیب تن نہیں کرے گا۔