لاہور (سٹا ف رپورٹر) پاکستان فٹبال فیڈریشن کے زیر اہتمام ملک بھر میں پی ایف ایف پریمیئر فٹبال لیگ کے میچ میں آرمی نے ریلوے کو ہرا دیا پاک آرمی اور ریلوے کے درمیان ریلوے سٹیڈیم کی گراﺅنڈ پر کھیلا گیا۔ پہلے ہاف میں دونوں ٹیموں نے شاندار کھیل کا مظاہرہ کیا۔ دوسرے ہاف میں آرمی نے شاندار کھیل پیش کیا اور ریلوے کو 3-1 گول سے ہرا دیا۔ اس موقع پر جنرل مینجر آپریشن ریلوے محمد جاوید انور مہمانِ خصوصی تھے۔ اس موقع پر سپورٹس آفیسر ریلوے سپورٹس بورڈ راشد محمود بٹ، اکاﺅنٹس آفیسر ملک اکرم اعوان، ریلوے ٹیم مینجر شیخ محمد انور ، سید نجم السعید اور تماشائیوں کی بڑی تعداد موجود تھی۔ اس موقع پر مہمانِ خصوصی نے کھلاڑیوں سے بھی ملاقات کی اور ریلوے ٹیم کے کھلاڑیوں کو ہر ممکن تعاون کا یقین دلایا۔