راولپنڈی (نیوز ایجنسیاں+ نوائے وقت رپورٹ) سابق آرمی چیف جنرل ریٹائرڈ راحیل شریف نے کمان سنبھالنے کی تقریب میں سربراہ پاک فوج کو زبردست خراج تحسین پیش کیا۔ تقریب کے بعد سابق آرمی چیف کو فوجیوں نے زندہ باد کا نعرہ لگا کر خدا حافظ کہا جبکہ آرمی چیف جنرل قمرجاوید باجوہ جب انہیں رخصت کرنے پہنچے تو راحیل شریف نے گاڑی میں بیٹھتے ہوئے کہا کہ او کے جنرل باجوہ بیسٹ آف لک، جس کے بعد جنرل راحیل شریف اپنی اہلیہ کیساتھ گاڑی میں بیٹھ کر رخصت ہوگئے۔ اس سے قبل انہوں نے یادگار شہداءپر حاضری دی پھول چڑھائے اور فاتحہ خوانی کی۔ علاوہ ازیں جنرل راحیل نے ایک اور روایت قائم کردی، آرمی ہا¶س بھی خالی کردیا۔ جنرل (ر) راحیل شریف نے دو ہفتے پہلے ہی اپنا ذاتی سامان لاہور روانہ کردیا تھا۔ کمان کی تبدیلی کی تقریب کے بعد جنرل (ر) راحیل شریف اپنے دفتر آئے، ذاتی سامان لیا اور لاہور پہنچ گئے۔
بیسٹ آف لک