کراچی (ایجنسیاں) چیئرمین پیپلز پارٹی بلاول بھٹو زرداری نے کراچی کے عوام کو حلقہ این اے 258 ضمنی انتخابات میں کامیابی پر مبارکباد دیتے ہوئے کہا ہے کہ اس حلقہ سے پیپلزپارٹی کے امیدوار کی کامیابی پیپلزپارٹی کے سابقہ رہنمائوں کو راستہ دکھاتی ہے کہ وہ واپس اپنی بنیادی پارٹی میں لوٹ کر آئیں اور شہید ذوالفقار علی بھٹو اور شہید محترمہ بینظیر بھٹو کے ویژن کے مطابق جمہوری پاکستان کے مشن کو آگے لے چلیں۔ پیپلزپارٹی ہی واحد جماعت ہے جو تمام پاکستانیوں کو ایک مضبوط اتحاد اور قومی بھائی چارے سے منسلک کرتی ہے۔ کراچی سے پیپلزپارٹی کے امیدوار کی کامیابی تو صرف آغاز ہے، 2018ء کے عام انتخابات میں پورے ملک سے پاکستان پیپلزپارٹی کے امیدوار کامیاب ہونگے۔