لاہور(کلچر ل رپورٹر) پاکستان کے کامیاب اداکار فواد خان نے 35 ویں سالگرہ منا ئی۔وہ 29 نومبر 1981 کو کراچی میں پیدا ہوئے، تاہم ان کے خاندان کا تعلق لاہور سے رہا۔گلوکاری سے کیریئر کا آغاز کرنے والے فواد خان نے صرف پاکستان میں ہی نہیں بلکہ دنیا بھر میں اپنی صلاحیتوں کا لوہا منوایا۔فواد خان پاکستان کے میوزک بینڈ 'ای پی' میں مرکزی گلوکار کی حیثیت سے پرفارم کرتے تھے، انہوں نے 'جٹ اینڈ بانڈ' نامی ڈرامے میں بھی اہم کردار ادا کیا۔انہوں نے 2007 میں فلم 'خدا کے لیے' میں معاون کردار ادا کیا تھا، تاہم مقبولیت ٹی وی ڈرامے 'ہمسفر' سے ملی۔فواد خان نے بولی وڈ میں 2014 میں فلم 'خوبصورت' کے ساتھ قدم رکھا۔ بولی وڈ فلم 'کپور اینڈ سنز' میں کام کیا، جس میں ان کے ہم جنس پرست کردار کو خوب سراہا گیا۔ فلم 'اے دل ہے مشکل' میں بھی معاون کردار ادا کیا، جسے خوب پسند کیا گیا۔