لاہور(سپورٹس رپورٹر+نمائندہ سپورٹس) پاکستان پریمیئر فٹبال لیگ میں واپڈا نے آرمی کودو صفرسے مات دیدی،کے پی ٹی سٹیڈیم میں کھیلے جانے والے میچ میں فاتح ٹیم نے ابتدا میں ہی برتری حاصل کرلی جب محمد احمد نے بال کو جال کی راہ دکھادی،آرمی کے بھرپور جوابی حملوں کے باوجود مقابلہ برابر نہ ہوسکا، دوسرے ہاف میں بھی دونوں ٹیموں نے کئی موقع ضائع کئے، محمد احمد نے انجری ٹائم میں گول داغ کر سکور 2-0کردیا۔ اسی وینیو پر دوسرے میچ میں نیوی اور مسلم کلب کا مقابلہ 1-1سے برابر رہا۔کورنگی بلوچ فٹبال سٹیڈیم پر سول ایوی ایشن اتھارٹی اور سوئی سدرن گیس کمپنی کا مقابلہ بھی 1-1سے برابر رہا۔ کے آر ایل نیشنل بینک کو ایک صفر سے زیر کیا۔