لاہور(نمائندہ خصوصی)ڈی آئی جی آپریشنز لاہوراشفاق خان کی ہدایت پر لاہور پولیس کا تعلیمی اداروں کے گردو نواح میں منشیات فروشوں کیخلاف کریک ڈاؤن جاری ہے۔ تعلیمی اداروں کے گرد نواح سے ابتک777منشیات فروشوں کو گرفتار کر کے ان کیخلاف شہر کے مختلف پولیس سٹیشنز میں 753مقدمات درج کئے جا چکے ہیں۔ گرفتار ملزموں کے قبضہ سے287کلوگرام سے زائد چرس،ایک کلو گرام سے زائد ہیروئن،400.5گرام آئس،1240نشہ آور کیپسول، 24کلو گرام سے زائد افیون،11کلوگرام سے زائد بھنگ اور6ہزار 906 لیٹر شراب سمیت باری مقدار میں منشیات برآمدکی گئی۔