صنعائ(آئی این پی)یمن میں برسر پیکار حوثی باغیوں نے دعوی ٰکیا ہے کہ انہوں نے زمین سے فضا میں ما رکرنیوالے میزائل کی مدد سے سعودی عرب کا اپاچی ہیلی کاپٹر مار گرایا ہے جس کے نتیجے میں دونوں سعودی پائلٹ بھی جان کی بازی ہار گئے ،ہیلی کاپٹر کو میزائل سے ہٹ کیا گیا۔ بین الاقوامی خبر رساں ادارے کے مطابق یمن میں برسر پیکار حوثی باغیوں نے دعوی ٰکیا ہے کہ انہوں نے زمین سے فضا میں مارکرنیوالے میزائل کی مدد سے سعودی عرب کا اپاچی ہیلی کاپٹر مار گرایا ہے جس کے نتیجے میں دونوں سعودی پائلٹ بھی جان کی بازی ہار گئے ۔رپورٹ میں کہا گیا ہے کہ حوثی باغیوں کے ترجمان نے اپنے سوشل میڈیا اکائونٹ سے بتایا کہ یہ ہیلی کاپٹر سرحدی علاقے عصیر کے علاقے مجازہ کے قریب زمین سے فضا میں مار کرنیوالے میزائل کی مدد سے گرایا گیا ہے ، نشانہ بننے کی وجہ سے ہیلی کاپٹر مکمل طورپر جل گیا۔ باغیوں کے اس دعوے کی سعودی اتحاد نے تاحال تصدیق نہیں کی ۔ یاد رہے کہ سعودی حکومت چار سال سے باغیوں کیخلاف برسر پیکار ہے اور کچھ عرصہ قبل یمن کے باغیوں کیساتھ سعودی عرب کا امن معاہدہ بھی ہوچکا ہے جس کی امریکہ نے بھی تائید کی تھی جبکہ پاکستان کے وزیراعظم عمران خان نے بھی اسے سراہا تھا۔