گھریلو ناچاکی:خاتون کا تیز دھار آلے سے اپنی 2 نندوں پر حملہ،ایک جاں بحق دوسری زخمی

فیصل آباد میں گھریلو جھگڑے کے دوران ایک خاتون نے مبینہ طور پر تیز دھار آلے سے اپنی ایک نند کو قتل جبکہ دوسری کو زخمی کر دیا۔پولیس کے مطابق واقعہ فیصل آباد شہر کے علاقے رضا آباد میں پیش آیا، جہاں ایک گھریلو جھگڑے کے دوران مبینہ طور پر خاتون نے تیز دھار آلے سے اپنی 2 نندوں پر حملہ کیا۔خاتون کے حملے کے نتیجے میں اس کی ایک نند جاں بحق جبکہ دوسری شدید زخمی ہو گئی۔اطلاع ملنے پر پولیس نے موقع پر پہنچ کر ملزمہ کو حراست میں لے لیا جبکہ مقتولہ کی نعش  اور زخمی خاتون  ہسپتال منتقل کر دیا۔