شہباز شریف ‘ فواد حسن فواد سمیت 13  ملزموں کے خلاف آشیانہ کیس کی سماعت آج ہوگی

لاہور (آن لائن) لاہور کی احتساب عدالت میں قومی اسمبلی کے اپوزیشن لیڈر و سابق وزیر اعلیٰ پنجاب شہباز شریف، فواد حسن فواد، سابق ڈی جی ایل ڈی اے احد چیمہ سمیت دیگر 13 ملزمان کیخلاف آشیانہ ہائوسنگ سکیم ریفرنس کیس کی آج سماعت ہوگی۔ اس کیس میں عدالت نے شہباز شریف اور فواد حسن فواد کو حاضری سے استثنیٰ دے رکھا ہے۔ احتساب عدالت کے جج امجد نذیر چوہدری کیس کی سماعت کرینگے۔ علاوہ ازیں اسی عدالت میں سابق ڈی جی ایل ڈی اے احد چیمہ کیخلاف آمدن سے زائد اثاثہ جات ریفرنس کیس کی بھی آج سماعت ہوگی۔