لاہور (نامہ نگار) دہشت گردی کے خدشات کے پیش نظر  کائونٹر ٹیررازم ڈیپارٹمنٹ (سی ٹی ڈی) نے پنجاب کے مختلف شہروں میں انٹیلی جنس بیس آپریشنز کے دوران 6مبینہ دہشت گردوں کو گرفتار کر لیا ہے۔ تفصیلات کے مطابق کائونٹر ٹیررازم ڈیپارٹمنٹ نے پنجاب کے مختلف اضلاع میں 29 آپریشنز کے دوران 30 مشتبہ افراد سے پوچھ گچھ کی اور 6 مبینہ دہشت گردوں صغیر حسین، عبدالجبار، سفیان، کریم بخش، ذیشان علی اور سید جعفر کو گرفتار کر کے ملزمان کے قبضے سے دستی بم، ڈیٹونیٹرز، اسلحہ اور بھاری مقدار میں بارودی مواد برآمد کر تفتیش کے لیے نامعلوم مقام پر منتقل کر دیا ہے۔ ترجمان سی ٹی ڈی کے مطابق ملزمان کو صوبے کے مختلف شہروں سے گرفتار کیا گیا، ملزمان کا تعلق مختلف کالعدم جماعتوں سے ہے۔