کراچی (اسپورٹس رپورٹر) پاکستان کپ فیسٹول فٹبال ٹورنامنٹ میں پہلے پری کوارٹر فائنل میں ماشا یونائیٹڈ فٹبال اکیڈمی اور پاک مسلم ایف سی مقررہ وقت میں ایک ایک گول سے برابر رہی تاہم پینلٹی کک پر ماشا یونائیٹڈ نے پاک مسلم ایف سی کو 5-4 سے شکست دے دی۔ دوسرے پری کوارٹر فائنل میں واصف میموریل ایف سی نے گلشن سوکر کو 2-0 سے شکست دیدی ۔ اویس خان نے دونوں گول اسکول کئے۔ میچ کمشنر کے فرائض اصغر علی برفت اور ریفری مختار احمد، اسٹنٹ ریفری لائن ون قاری آصف اور لائن ٹو نصیر پپو، آرگنائزنگ کمیٹی کے سینئر ممب محمد سعید حمیدی، ٹورنامنٹ ڈائریکٹر ناصر اسماعیل اور آرگنائزنگ سیکریٹری عبدالمعیز علی تھے۔ پہلے میچ کے مہمان خصوصی محمد نذیر، جنرل سیکریٹری دارالشفاء ڈائلیسز نارتھ ناظم آباد تھے جبکہ دوسرے میچ کے مہمانِ خصوصی مارٹا وومن فٹبال کلب کے صدر رئیس خان تھے۔