کراچی(اے پی پی)شاہ عبداللطیف بھٹائی  ایس ایس بی کپ باسکٹ بال ٹورنامنٹ میں لیکول بالرز نے سول ٹائیگرز ،پیٹریشن ا سٹار نے کراچی کولٹس اور آرام باغ نے ہر کولیس کو شکست  دے دی۔فاتح کلب کی جانب سے حسن علی 14،سعد صلاح الدین 12اور عبدالحفیظ نے 10جبکہ رنر اپ کلب کی جانب سے تیمور شاہد 12،اویس علی 10اور ہادی نوید نے 9باسکٹ اسکور کئے اور نمایاں کھلاڑیوں میں شامل رہے ۔ان میچوں میں ریفریز کے فرائض ظفر اقبال ،عبداللہ امام ،اشرف یحیی ،غلام محمد سنیئر اور زاہد ملک نے انجام دیئے جبکہ ٹیکنیکل آفیشلز ذعیمہ خاتون ،نعیم احمد ،ممتاز احمد اور راج کمار تھے ۔میچ سے قبل مہمان خصوصی پاکستان امریکن کلچرل سینٹر کراچی کے صدر مخدوم سید ریاض حسین سے کھلاڑیوں کو تعارف کرایا گیا۔