ملتان بیوٹیفکیشن پلان پر عملدرآمد جاری‘ مزید اقدامات کرینگے: اعجاز جنجوعہ

  ملتان (خبرنگار خصوصی) چیئر مین پی ایچ اے ملتان اعجاز حسین جنجو عہ نے کہا ہے کہ ملتان شہر کے بیوٹیفیکشن پلان پر تیزی سے عمل درآ مد جاری ہے کمشنرشہر کی خوبصورتی میں اضافہ کے لئے پر عزم ہیں۔ انہوں نے ان خیالات کا اظہار کمشنر ڈاکٹر ارشاد احمد،ڈپٹی کمشنر عامر کریم خان سے ملاقات کے موقع پر کیا۔اعجاز حسین جنجوعہ نے مزید کہا کہ شہر کے چوکوں اور گرین بیلٹس کی تزین وآ رائش کے لئے مزید تیز کریں گے۔پارکس اینڈ ہارٹیکلچر اتھارٹی ملتان نے میری گولڈ پھولوں کی شجرکاری کا آغاز کر دیا ہے۔ اس سلسلے میں گرین بیلٹس اور پارکوں میں پھولوں کی پنیریاں لگائی جا رہی ہیں۔ عید گاہ گرین بیلٹ، آرٹس کونسل،قلعہ کہنہ قاسم باغ، عام خاص باغ اور دیگر مقامات پر شجر کاری کا آغاز کر دیا گیا ہے۔ان خیالات کا اظہار ڈائریکٹر جنرل پی ایچ اے سید شفقت رضا نے میری گولڈ کی شجر کاری کے موقع پر کیا۔