محراب پور(نامہ نگار)ویگن مسافروں سے ڈکیتی، ہوٹل میں چوری کی واردات، خان واہن کوٹری کبیر رابطہ سڑک (لنک روڈ) پر ڈیون مانیئر کے قریب موٹر سائیکل رہزنوں نے اسلحہ کے زور پر خان واہن سے سکھر جانے والی مسافر ویگن نمبر آر 1194 کو زبردستی روک کر اسلحہ کے زور ڈرائیور ذاکر جوکیو، کلینر علی اکبر سومرو، تاجر خورشید مری، پینو فقیر اور دیگر مسافروں سے نقدی، طلائی انگوٹھی، چین اور موبائل فون چھین لیئے، رہزن واردات بعد باآسانی فرار ہوگئے۔ دوسری طرف محراب پور پولیس تھانہ کی حدود ٹھری میرواہ رابطہ سڑک (لنک روڈ) پر لانگڑجی پل کے پاس شاہ نواز ملاح کے ہوٹل کے تالے توڑ کر چور یو،پی، ایس، بیٹری اور دوسرا قیمتی سامان چرا کر لے گئے۔