ملتان( خبرنگار خصوصی )سی ای او ملتان ویسٹ منیجمنٹ کمپنی حق نواز چوہان نے عوامی شکایات پر صفائی کی صورتحال کا جائزہ لینے کے لئے بوسن روڈ سے ہیڈ محمد والا جانیوالی شاہراہ کا معائنہ کیا۔انہوں نے سڑک کے اطراف میں ویسٹ کے ڈھیر فوری اٹھانے کا حکم دیا اور نیو گلگشت اور خان ویلج جانیوالی والی سڑک سے کوڑا کرکٹ لفٹ کرنے کی بھی ہدایت کی۔حق نواز چوہان نے ڈبل پھاٹک سے چوک شاہ عباس اور بی سی جی چوک سے وہاڑی چوک تک شاہراہ کی سکریپنگ کرنے اور حضرت شاہ رکن عالم کے عرس کے پیش نظر قلعہ کہنہ قاسم باغ کی مثالی صفائی کے لئے احکامات جاری کئے۔ اس موقع پر گفتگو کرتے ہوئے کہا شہر کی داخلی شاہراہوں کی صفائی کو پلان کا حصہ بنایا جائے۔ ویجیلنس ٹیمیں شہر میں ناقص صفائی والے علاقوں کی بھی نشاندہی کریں۔