لاہور ( کلچرل رپورٹر) لوور میوزیم پیرس کے کیوریٹر جین بپٹسٹ کی الحمراءآمدپر چیئرمین الحمراءرضی احمد نے جین بپٹسٹ کا روایتی انداز میں استقبال کیا۔رضی احمد نے تقریب کے شرکاءکو خوش آمدید کہتے ہوئے کہا کہ الحمراءبین الاقومی آرٹسٹوں کےلئے اپنا کام دکھانے کا اہم مقام ہے۔ تقریب کا مقصد نوجوانوں کو آرٹ کے بارے میں صدیوں پر محیط سفر سے آگاہ کرنا تھا۔جین بپٹسٹ لوور میوزیم پیرس میں کیوریٹر ہیں،جنوبی ایشیاء،چین جاپان،برصغیر کے عالمگیر یت سے مالا مال فنون پرگہری تحقیق رکھتے ہیں۔جین بپٹسٹ نے کہا کہ الحمراءخصوصا ًلاہور جیسے ادبی وثقافتی شہر آنے پر بے حد خوشی ہوئی۔جین بپٹسٹ نے لوور میوزیم پیرس میں آویزاں فن پاروں پر حاضرین کو بریف کیا،گزرتے وقت کے ساتھ نامور آرٹسٹوں کے کام کی اہمیت میں اضافہ ہو رہا ہے،جین بپٹسٹ نے لوور میوزیم میں مغل منی ایچر کی کولیکشن پر بھی حاضرین کو آگاہ کیا۔