جنرل عاصم کو مبارکباد دیتے ہوئے خوشی ہو رہی ہے‘ جنرل ساحر کیلئے دعاگو: سعودی سفیر

اسلام آباد (آئی این پی) پاکستان میں تعینات سعودی سفیر نواف بن سعیدالمالکی نے کہا پاک فوج کے نئے آرمی چیف جنرل سید عاصم منیر کو مبارکباد دیتے ہوئے خوشی ہو رہی ہے۔ منگل کے روز سماجی رابطے کی ویب ٹوئٹر پر سعودی سفیر نے چیئرمین جوائنٹ چیفس آف سٹاف کمیٹی جنرل ساحر شمشاد مرزا کو مبارکباد دی اور کہا کہ ان کی کامیابی کیلئے دعا گو ہوں ۔ سبکدوش آرمی چیف جنرل قمر جاوید باجوہ اور جنرل ندیم رضا کی پاکستان کیلئے خدمات کو بھی سراہتا ہوں۔