اداکار مجید ظریف کی برسی آج منائی جائیگی

لاہور (کلچرل رپورٹر)شہنشاہ ظرافت منور ظریف کے چھوٹے بھائی اداکار مجید ظریف کی 10ویں برسی آج 30نومبر کو منائی جائے گی۔مجید ظریف سے قبل ان کے دو بھائی ظریف اور منور ظریف نے اپنی مزاحیہ اداکاری کے باعث فلم انڈسٹری میں اپنا نام پیدا کیا، ان کے نقش قدم پر چلتے ہوئے مجید ظریف بھی شوبز کی دنیا میں آگئے۔ انہوں نے 70کے قریب فلموں اور ٹی وی ڈراموں کیساتھ سٹیج ڈراموں میں بھی اداکاری کے جوہر دکھائے۔ مجید ظریف 30نومبر 2012ء کو جہان فانی سے کوچ کر گئے تھے۔