3 بہن،بھائیوں سمیت 4ریکارڈ یافتہ منشیات فروش گرفتار

لاہور(نامہ نگار)شالیمار پولیس نے 3 بہن،بھائیوں سمیت 4ریکارڈ یافتہ منشیات فروشوں کو گرفتار کر لیا ہے۔ تفصیلات کے مطابق شالیمار پولیس نے خفیہ اطلاع پر کارروائی کے دوران بدنام زمانہ منشیات فروش 3 بہن بھائیوں، شاہدہ عرف چولو، فرزند عرف پھندو اور برکت جبکہ  دوسری کارروائی میں ملزم برکت کو گرفتار کر کے گاڑی کے خفیہ خانوں میں چھپائی ہوئی چرس برآمد کر کے مقدمات درج کر لیے ہیں۔
پولیس کا کہنا ہے کہ تینوں بہن بھائی منشیات کے درجن سے زائد مقدمات میں ریکارڈ یافتہ ہیں۔ملزمان سے مجموعی طور پر تین کلو سے زائد چرس اور ہیروئین برآمد کی گئی ہے۔