لاہور(سپورٹس رپورٹر) نیوزی لینڈ میں جاری کامن ویلتھ گیمز میں پاکستانی ویٹ لفٹر مصطفی بیگ نے چار میڈل جیت کر سبز ہلالی پرچم بلند کردیا ۔پاکستانی پاور لفٹر مصطفی بیگ نے 110 کلوگرام وزن کی کیٹیگری  میں حصہ لیا ،مصطفی بیگ نے بنچ پریس میں چاندی کا تمغہ، ڈیڈ لفٹ میں چاندی تمغہ، اسکواٹ میں چاندی کا تمغہ اور مجموعی طور پر چاندی کا تمغہ جیتا۔کامن ویلتھ میں مصطفی بیگ پاکستان کی نمائندگی کرنے والے واحد کھلاڑی ہیں ،آکلینڈ نیوزی لینڈ میں جاری کامن ویلتھ گیمز چار دسمبر کو اختتام پذیر ہوں گی ۔کامن ویلتھ گیمز میں برطانیہ، کینیڈا، آسٹریلیا، ویلز، نیوزی لینڈ، بھارت اور آئرلینڈ سمیت 43 ممالک کے کھلاڑی شریک ہیں۔مصطفی فاران بیگ ایشین اور کامن ویلتھ چیمپئن شپ میں سونے اور چاندی کے تمغے جیتنے والے واحد پاکستانی پاور لفٹر بن گئے ہیں۔