اسلام آباد(اسپورٹس رپورٹر) راولپنڈی سٹیڈیم میں ہونے والے پاکستان اور انگلینڈ کے درمیان کے پہلے ٹیسٹ میچ کے پہلے دن کیلئے 4 انکلوژر کی تمام ٹکٹیں فروخت ہوگئیں،راولپنڈی ٹیسٹ میچ کیلئے آن لائن ٹکٹوں کی فروخت کا عمل تیزی سے مکمل ہونے کو ہے ، دوسرے دن کےلئے جاوید میانداد اور عمران خان انکلوژرز کی تمام، اسی طرح تیسرے،چوتھے دن کی بھی جاویداختر، اظہرمحمود، جاوید میانداد اور عمران خان انکلوژرزکی تمام ٹکٹیں فروخت ہوچکی ہیں۔ پاکستان اورانگلینڈ کی ٹیموں کے مابین کھیلے گئے ٹیسٹ میچوں میں انگلینڈ کا پلڑابھاری ہے۔پاکستان اورانگلینڈ کی کرکٹ ٹیموں کے مابین10جون 1954سے اب تک86ٹیسٹ میچ کھیلے گئے جن میں سے21ٹیسٹ میچ پاکستان نے جیتے، 26میچ انگلینڈ نے جیتے، 39میچ ڈرا ہوئے۔پاکستان کی کامیابی کاتناسب24.41فیصد، انگلینڈ کی کامیابی کاتناسب30.23فیصداورمیچ ڈراہونے کاتناسب45.34فیصدہے۔