کراچی (اسپورٹس رپورٹر ) دوسرا عبدالناصر یادگاری انڈر 19 باسکٹ بال ٹورنامنٹ شروع ، ایونٹ کا افتتاح کراچی اسپورٹس فاونڈیشن کے صدر سید وسیم ہاشمی نے کیا۔ اس موقع پر POA کے میڈیا کوارڈینیٹر آصف عظیم KBBA کے صدر غلام محمد خان، سیکریٹری طارق حسین، محمد حیدر خان،ذوالفقار عباس خان اور آرگنائزنگ سیکریٹری غلام عباس جمال ایڈوکیٹ بھی موجود تھے، اس موقع پرسید وسیم ہاشمی ، آصف عظیم نے عبدالناصر کو خراج عقیدت پیش کیا ۔ اس ٹورنامنٹ کے لیے POA کے صدر لیفٹیننٹ جنرل عارف حسن سیکریٹری خالد محمود کی بھرپور مدد حاصل ہوگی۔ قبل ازیں غلام محمد خان اور غلام عباس جمال ایڈوکیٹ نے بھی خطاب کیا، افتتاحی میچ میں آرام باغ کلب نے نیول ہاوسنگ باسکٹ بال کلب کو 45-49 پوائنٹس سے شکست دے دی ۔