گوجرخان، چوری کی دو الگ الگ وارداتیں،مقدمات درج 

  گوجرخان(نامہ نگار)محمد سلیمان کیانی سکنہ موہڑہ ادمال نے پولیس تھانہ گوجرخان کو بتایا کہ اس کی غیر موجودگی میں اس کا ٹریکٹر سرفراز احمد سکنہ موہڑہ ادمال چوری کرکے لے گیا ہے جو اس نے اپنے گھر میںرکھا ہوا ہے سرفرازاحمد سے اس بابت بات کی تو اس نے کہا کہ جو کرنا ہے کرلو میں تمہیں ٹریکٹرنہیں دونگا میری داد رسی کی جائے ادھرمحمد فہیم احمد سکنہ تھرجیال نے پولیس تھانہ مندرہ کو بتایا کہ اس کے اہل خانہ کی غیر موجودگی میں گھر سے چار تولہ سونا اور نقدی مبلغ پچانوے ہزار روپے کسی نے چوری کرلیے ہیں پولیس نے الگ الگ ایف آئی آر درج کرلی ہیں۔