30نومبر کو پیپلزپارٹی کے یوم تاسیس کی تیاریاں مکمل کر لی گئیں،ملک عامر فدا پراچہ

راولپنڈی(اپنے سٹاف رپورٹرسے)30نومبر کو پارٹی کا یوم تاسیس کی تیاریاں مکمل،جوش وخروش سے منائیں گے گلی گلی ہر محلہ ،یو سی ،تحصیل و ضلع میں پرچم لہرائیں جائیں گے ۔ہم سب ملکر پارٹی قیادت چیرمین بلاول بھٹو زرداری کی ہدایات کی روشنی میں سیاسی و جمہوری ذمہ داریاں ادا کرنے کے لیے پرعزم ہیںپیپلز  پارٹی کے یوم تاسیس کے روز تمام اضلاع میں پارٹی فائونڈیشن ڈے کے عنوان سے سیمینار  اور ریلیاںمنعقد کیے جائیں گے بلاول بھٹو کا وڈیو خطاب دکھایا جائے گا۔ ان خیالات کا اظہار پاکستان پیپلز پارٹی تحصیل راولپنڈی کے صدر راجہ منصور اختر کے زیر اہتمام شیر باز حویلی میں منعقدہ تقریب سے صدرپاکستان آصف علی زرداری کے ترجمان ملک عامر فدا پراچہ نے  خطاب کرتے ہوئے کیا ۔پاکستان پیپلز پارٹی کے ضلعی صدر چوہدری ظہیر سلطان نے تقریب سے خطاب کر ئے ہوئے کہاپیپلز پارٹی عوام کی جماعت بلاول بھٹو زرداری وزیر اعظم منتخب ہو کر وطن عزیز کی عوام کو بحران سے نکالیں گے، پیپلز پارٹی سٹی کے جنرل سیکرٹری راجہ شاہد پپو ،پیپلز پارٹی ضلعی نائب صدر راجہ بلال شیر باز ، وحید یونس ستی، شفیق جدون،تنویر بھٹی ،راجہ محمد علی منہاس ،بشارت بھٹی ، پیپلز پارٹی کے سینئر رہنما افضل خان نے کہا پیپلز پارٹی کا یوم تاسیس بھر پور جو ش و کروش سے منے جا ئے گا ۔ بلال شیر باز نے کہا کہ عوام کی نظریں چیئرمین بلاول بھٹو زرداری پر ہیں۔ راجہ منصور اختر نے کہا کہ آنے والا دور پیپلز پارٹی کا ہے بلاول بھٹو وزیر اعظم پاکستان ہوں گے۔