قصور (نامہ نگار) قصور کے گرد و نواح میں دو مختلف ٹریفک حادثات میں دو افراد ہلاک جبکہ متعدد افراد زخمی ہو گئے۔ تفصیلات کے مطابق عثمان کار پر سوار ہو کر بدر کالونی پتوکی کے نزدیک جا رہا تھا کہ اچانک گاڑی کا ٹائر پھٹ گیا جس کی وجہ کار بے قابو ہوکر سڑک کے دوسرے طرف جانے والی ایک ویگن سے جا ٹکرائی جس سے عثمان ہلاک جبکہ ویگن میں سوار متعدد افراد زخمی ہو گئے۔ اس کے علاوہ امین اپنے بیٹے عرفان کے ہمراہ موٹر سائیکل پر سوار ہو کر بہچوکی ماھجہ جا رہے تھے کہ پھاٹک کے نزدیک مخالف سمت سے آنے والی تیز رفتار موٹر سائیکل جس پر سلیم اور ندیم سوار تھے سے ٹکرا گئے جس سے عرفان موقع پر ہلاک جبکہ دیگر تین افراد شدید زخمی ہو گئے۔