کلر سیداں(نامہ نگار)یوسی بھلاکھر کی ڈھوک راجگان کے لوگوں کا کمال ،اپنی مدد آپ کے تحت لاکھوں کی لاگت سے نالہ کانسی پر پل تعمیر کر لیا اور یہ سارا کام ڈیڑھ ماہ کی قلیل مدت میں مکمل کر کے ایک ریکارڈ قائم کیا گیا۔مقامی لوگوں نے اپنی مدد آپ کے تحت پل کی تعمیر کا فیصلہ کیا تھا انجنئیر اور ٹھیکیدار کی خدمات حاصل کی گئیں 17ستمبر کو پل کی تعمیر کا آغاز کیا اور 29اکتوبر کو اس پر لینٹر ڈال کر علاقائی تاریخ میں ایک کارنامہ سر انجام دیا ہے۔تعمیراتی کام کی نگرانی مقامی کونسلر راجہ جبرا ن صفدر کیانی نے کی۔