اللہ کا پہلا کلام رسول کریم ؐ پر درودو سلام ہے:ڈاکٹر احمد علی سراج

لاہور(خصوصی نامہ نگار) نامور اسلامی سکالر ڈاکٹر احمد علی سراج نے لاہور پریس کلب ہائوسنگ سکیم کی جامع مسجد میں محفل میلاد ؐسے خطاب کرتے ہوئے کہا کہ اللہ کریم کا پہلا کلام رسول کریم ؐ پر درودو سلام ہے۔درود سب سے پہلی عبادت ہے اور اس کی قبولیت کی گارنٹی 100فیصد ہے۔ مسجد قبا کی تعمیر کے دوران جس پتھر کو آقا کریم ؐ کا لمس نصیب ہوا ،اللہ نے اسی پتھر کی نسبت سے مسجد قبا کی اساس کو تقوی کی بنیاد قرار دیا۔جس چیز کی آقا کریم سے نسبت ہوگئی وہ امر ہوگئی۔انہوں نے کہا کہ یہ کائنات رسول کریمؐ کے استقبال کے لئے بنائی گئی۔