لاہور (کلچرل رپورٹر) پاکستان ٹیلی ویژن لاہور مرکز نے ربیع الاول کے با سعادت موقع پر مختلف پروگرامز کی ریکارڈنگ کی ہے جن کی نشریات یکم ربیع الاول سے شروع ہوچکی ہے اور یہ سلسلہ بارہ ربیع الاول تک جاری رہے گا۔ سیرت النبیؐ کے عنوان سے خصوصی پروگرام میں نبی کی زندگی مبارکہ کے اہم واقعات اور سنت طیبہ کے مختلف پہلوؤں کوخوبصورت انداز میں پیش کیا گیا ہے یہ پروگرام سید اظہر فرید کی پیشکش ہے اور اس میں ملک کے معروف مذہبی سکالرزاور نعت خواں نے شرکت کی جن میں ڈاکٹراعجاز احمد،ضیاء اللہ شاہ،طاہر رضا بخاری،ممتازاحمد،رمضان سیالوی، میا ں سیلم شامل ہیں۔ پی ٹی وی لاہور مرکز کی طرف سے ربیع الاول کی خصوصی ٹرانسمیشن بھی جاری ہے جو پروگرام منیجر قیصرشریف کی پیشکش ہے۔