اچی (نیوزرپورٹر) ایڈمنسٹریٹر کراچی، مشیر قانون و ترجمان سندھ حکومت بیرسٹر مرتضی وہاب نے شہر کراچی کو خوبصورت بنانے کی مہم کے سلسلے میں جمعہ کے روز پی آئی ڈی سی ٹرائی اینگل پر خوبصورت یادگار کا افتتاح کیا، اس موقع پر ایڈمنسٹریٹر بلدیہ جنوبی و ضلعی انتظامیہ کے افسران بھی ان کے ہمراہ تھے، ایڈمنسٹریٹر کراچی بیرسٹر مرتضی وہاب نے کہا کہ شہر بھر میں خوبصورت یادگاریں ’’مونومنٹ‘‘ لگائے جائیں گے، پی آئی ڈی سی پل کی تزئین و آرائش کے بعد ٹرائی اینگل پر اس یادگار کی موجودگی سے خوبصورتی میں مزید اضافہ ہوگا۔،انہوں نے کہا کہ شہر کے ہر حصے کو خوبصورت اور دلکش بنانا چاہتے ہیں، دنیا کے تمام بڑے شہروں میں اس طرز کی جدید یادگاریں بنائی گئی ہیں ، کراچی بھی دنیا کے بڑے شہروں میں شامل ہے لہٰذا اس کو بہتر اور جدید شہر بنانے کے لئے جو بھی اقدامات ممکن ہوئے کئے جائیں گے۔