چشتیاں(نمائندہ خصوصی) سکول سے چھٹی کے وقت بچوں سے بھرا رکشہ نہر مراد میں جا گرا ،مقامی افراد نے بروقت نہر میں چھلانگیں لگا کر بچوں کو باحفاظت باہر نکال لیا تفصیلات کے مطابق چشتیاں کے علاقہ ڈاہرانوالہ شہر میں رکشہ سکول سے چھٹی کے وقت خیابان ا مین سے بچے سوار کرکے نہر مراد کے ساتھ ساتھ رحمان گارڈن کی طرف جا رہا تھا.رکشہ ڈرائیور رکشہ کاتوازن برقرار نہ رکھ سکا اور رکشہ نہر میں جا گرا ،مقامی افراد نے بروقت نہر میں چھلانگیں لگا کر تمام بچوں کو باحفاظت نہر سے باہر نکال لیا خوش قسمتی سے کوئی جانی نقصان نہیں ہوا تھانہ ڈاہرانوالا پولیس اور ریسکیو 1122کی ٹیم نے موقع پر پہنچ کر رکشہ کو بھی نہر سے نکالا اور بچوں کے ورثاء بھی موقع پر پہنچ گئے انتظامیہ سمیت مقامی افراد کو شاباش اور ڈھیروں دعائیں دی کہ موقع پر پہنچ کر بڑے حادثے سے بچا لیا ۔