کوٹ ادو(خبر نگار) سکول ٹرپ کیساتھ تونسہ بیراج آئی طالبہ اغوا‘مقدمہ درج تفصیل کے مطابق  نیو ملتان کے رہائشی تنویر حسین بھٹی کی 15سالہ بیٹی نہم کلاس کی طالبہ مناہل تنویر جو کہ گزشتہ سے پیوستہ روز نجی سکول کے ٹرپ کے ساتھ تونسہ بیراج پر آئی ہوئی تھی کہ 4 بجے شام اچانک سے غائب ہو گئی تھی جس کا موبائل فون بھی بند ہوگیا تھا جبکہ کلاس فیلوز کے مطابق طالبہ مسلسل کسی کے ساتھ موبائل فون پر رابطہ میں تھی،تاہم تونسہ بیراج پر موجود سبزی فروش نے طالبہ کو رکشہ میں سوار ہوتے دیکھا تھا،15کی کال پر پولیس نے کئی گھنٹے لڑکی کو تلاش کیا تھا جو کہ نہ ملی تھی اور 48 گھنٹے گزرنے کے باوجود لڑکی کا تاحال کوئی سراغ نہ مل سکا،پولیس صدر کوٹ ادونے غائب ہونے والی 15سالہ لڑکی کے والد تنویر حسین بھٹی کی مدعیت میں نامعلوم کے خلاف اغوا کا مقدمہ درج کرکے تونسہ بیراج سے سندیلہ چوک چھوڑنے والے رکشہ ڈرائیور کو حراست میں لے لیا ۔