گڑھاموڑ ، دوران ڈکیتی مزاحمت پر ڈاکو کی فائرنگ سے2 ساتھی زخمی

 گڑھاموڑ ( نامہ نگار)3 ڈاکووں نے وہاڑی ملتان روڑ پر موٹر سائیکل سوار فیملی کو لوٹنے کی کوشش کی مزاحمت پر ایک ڈاکو نے فائرنگ شروع کر دی جس سے 2 ڈاکو زخمی ہوگئے تفصیل کے مطابق چک 39 wb وہاڑی کا رہائشی ابرار اصغر اپنی موٹر سائیکل پر فیملی کے ساتھ مخدوم رشید چک13mrسے گھر آرہا تھا سرے شام ساڑے 6 بجےجب چک 86 پٹرولنگ پوسٹ کے قریب پنہچا تو عقب سے آکر بلا نمبری موٹرسائیکل پر سوار 3 ڈاکووں نے روک لیا نقدی اور فون چھیننے کے بعد موٹر سائیکل چھیننے پر مزاحمت شروع ہو گئی جس پر ایک ڈاکو نے فائرنگ شروع کر دی جس سے 2 ڈاکو فیصل اور ساجد زخمی ہوگئے اطلاع ملنے پر پولیس تھانہ گڑھاموڑ اور پٹرولنگ پوسٹ 86 موقع پر پہنچ گئی زخمی ڈاکووں نے موئقف اختیار کیا کہ وہ مزاحمت کرتے ہوئے ڈاکووں کی فائرنگ سے زخمی ہوئے ہیں پولیس نے زخمیوں کو آر ایچ سی گڑھاموڑ شفٹ کیا اس موقع پر متاثرہ فیملی نے پولیس کو بتایا کہ زخمی ہی انہیں لوٹنے والے ہیں اسی اثنا میں ڈی پی او وہاڑی اور ڈی ایس پی میلسی بھی موقع پر پہنچ گئے پولیس نے ڈاکووں کے خلاف مقدمہ درج کرکے فرارڈاکو کی تلاش شروع کر دی ہے۔
 فائرنگ