میرپورخاص(بیورورپورٹ) سی ٹی ڈی پولیس نے ایک کارروائی کے دوران بلوچ لبریشن آرمی سے مبینہ تعلق رکھنے والا دہشت گرد گلشاد مکرانی گرفتار کر لیا، سی ٹی ڈی پولیس نے دہشت گرد سے 2 دستی بم برآمد کرنے کا دعویٰ کیا ہے، سی ٹی ڈی کے مطابق گرفتار دہشت گرد کا تعلق بلوچ لبریشن آرمی سے ہے جبکہ مرکزی دہشت گرد فرار ہونے میں کامیاب ہو گیا ہے، گرفتار دہشت گرد کے خلاف دہشت گردی کے الزام میں مقدمہ درج کر کے عدالت میں پیش کیا عدالت نے دہشت گرد کو 7 روزہ ریمانڈ پر سی ٹی ڈی کے حوالے کر دیا گیا، گرفتار دہشت گرد گلشاد مکرانی کراچی کے علاقے لیاری کا رہائشی ہے۔
لڑکی کی پراسرار ہلاکت
محراب پور( نامہ نگار)گھریلو جھگڑے پر دوشیزہ نے مبینہ خودکشی کرلی۔ مورو پولیس کے مطابق سچل سی این جی اسٹیشن کے قریب 15 سالہ دوشیزہ غفوراں کھوسو بنت امین کھوسو نے پستول سے فائرنگ کرکے مبینہ خودکشی کرلی،دوشیزہ کے والد مطابق لڑکی کا ذہنی توازن ٹھیک نہیں تھا اور کسی گھریلو تکرار پر اس نے خود کو گولی مارکر خودکشی کرلی، ایس ایچ او پولیس مورو تھانہ عبد المجید آرائیں کے مطابق نعش ضروری کارروائی بعد ورثاء حوالے کر دی ہے، جائے وقوع کا معائنہ کرنے کے بعد پولیس پراسرار ہلاکت کی تفتیش کررہی ہے‘ یہ قتل ہے یا خودکشی تحقیقات کا دائرہ وسیع کردیا گیا۔