حامد الحق حقانی آج پنجاب  اسمبلی کے باہر لاشاری اتحاد  کے احتجاج میں شرکت کرینگے

لاہور ( خصوصی نامہ نگار ) دفاع پاکستان کونسل کے چیئرمین جمعیت علمائے اسلام پاکستان کے امیر مولانا حامد الحق حقانی آج ایک بجے دوپہر پنجاب اسمبلی کے باہر لاشاری اتحاد کے احتجاج میں شرکت کریں گے۔ احتجاج میں جنرل سیکرٹری سید یوسف شاہ، رحمت اللہ لاشاری اور مولانا اعظم حسین بھی موجود ہوں گے۔ واضح رہے کہ مولانا حامد الحق حقانی دو روزہ دورے پر لاہور پہنچ گئے ہیں۔
انسداد سموگ کارروائیاں
 چار انڈسٹریل یونٹس سیل 
لاہور(خبرنگار)تحصیل شالیمار میں انسداد سموگ کے حوالے سے کارروائیاں جاری ہیں ، گزشتہ روز چار انڈسٹریل یونٹس کو سیل کیا گیا، ایک یونٹ کے مالک کے خلاف ایف آئی آر کا اندراج جبکہ دو لاکھ روپے کا جرمانہ بھی عائد کیا گیا۔خان فاﺅنڈری اور چودھری فقیر گجر سٹیل ری رولنگ مل کو جرمانہ عائد کیا گیا۔ یم ایس عابد وائر ورکس کو سیل کرنے کے ساتھ ساتھ ایف آئی آر کا اندراج کروایا گیا۔ جبکہ ماشااللہ نعیم سٹیل مل ،ندیم سٹیل مل ،فہد سٹیل مل کو سیل کیا گیا۔