شیخوپورہ (نمائندہ خصوصی+ نمائندہ نوائے وقت) بلدیہ شیخوپورہ کے کوارڈینیٹر حاجی غلام نبی ورک کی ہدایت پر شہر کے مختلف قبرستانوں میں صفائی ستھرائی کا عمل شروع کر دیاگیا ہے اس سلسلہ میں گزشتہ روز پیر فتح دین قبرستان میں بلدیہ کے عملہ نے قبرستان کی مکمل صفائی کی اس موقع پر صحافیوں سے گفتگو کرتے ہوئے حاجی غلام نبی ورک نے کہا کہ شہرکے اکثر قبرستانوں کی چار دیواری کی جا رہی ہے اور قبرستانوںمیں جھاڑیوں کو ختم کرنے کے ساتھ ساتھ رات کو لائٹنگ کا بھی انتظام کیا جائے گا انہوںنے کہاکہ قبرستانو ں میں جرائم پیشہ اور منشیات کے رسیا افراد کی آماجگاہ بنے ہوئے تھے ۔ شہر میں مزید نئے قبرستان بھی بنائے جا رہے ہیں ۔