لاہور (سپورٹس رپورٹر)ویسٹ انڈیز ویمنز اے نے پاکستان ویمنز اے کو آخری ون ڈے میں 3 وکٹوں سے شکست دےدی۔ سیریز دو ایک سے جیت لی۔ قذافی سٹیڈیم لاہور میں ویسٹ انڈیز ویمنز اے نے ٹاس جیت کر پاکستان ویمنز اے کو بیٹنگ دی جو44.4 اوورز میں162 رنز بناکر آو¿ٹ ہوگئی۔شوال ذوالفقار نے 22 رنز اور ایمان فاطمہ نے 21 رنز بنائے۔ سدرہ نواز نے27 ‘انوشے ناصر نے 23 رنز بنائے‘حمنہ بلال 21 رنز بناکر ناٹ آو¿ٹ رہیں۔جازارا کلیکسٹن نے4 وکٹیں حاصل کیں۔ مہمان ٹیم نے 44.5 اوورز میں 7 وکٹوں کے نقصان پر ہدف عبور کرلیا۔شونیلے اور شابیکا نے پہلی وکٹ کی شراکت میں 53 رنز کا اضافہ کیا۔شونیلے37 اور شابیکا 24 رنز بناکر آو¿ٹ ہوئیں۔جینابا جوزف نے 51 رنز ناٹ آو¿ٹ کی اننگز کھیل کر اپنی ٹیم کو جیت سے ہمکنار کردیا۔ کپتان رامین شمیم نے 4 وکٹیں حاصل کیں۔