حافظ آباد ‘نوشہرہ ورکاں (نمائندہ نوائے وقت‘ نمائندہ خصوصی) شوہر نے پٹرول چھڑک کر بیوی کو آگ لگا دی تفصیلات کے مطابق تھانہ کوٹ لدھا کے گا¶ں چک بہلول کے رہائشی شیخ نصیر نے دو شادیاں کر رکھی تھی گزشتہ روز اس نے گھریلو جھگڑے پر اپنے بھائی ظفر اقبال، بہن ناہید اور دوسری بیوی روبینہ کوثر سے مل کر اپنی بیوی 36 سالہ شمائلہ پر تشدد کیا اور پٹرول چھڑک کر آگ لگا دی جس سے وہ شدید زخمی ہو گئی ریسکیو 1122 نے ابتدائی طبی امداد کے بعد اسے ہسپتال منتقل کیا جہاں اس کی حالت تشویشناک بتائی جاتی ہے۔