فیروز والا: لڑکی سے اغوا کے بعد زیادتی‘ محنت کش کی اہلیہ نشانہ

 فیروز والہ(نامہ نگار) تھانہ فیکٹری ایریا کے علاقے میں تین نوجوانوں نے گن پوائنٹ پر ماں کے سامنے دوشیزہ کو زبردستی اٹھا کر لے گئے اور زیادتی کا نشانہ بنایا۔ ملزمان فرار ہو گئے۔ بتایا گیا ہے کہ ٹاو¿ن کے رہنے والے رشید کی بیوی ثریا بی بی اپنی بیٹی (ع) کے ہمراہ پیدل گھر سے سڑک کی طرف جا رہی تھی جب وہ راستے میں پہنچی تو موٹر سائیکل سوار نوجوان ابوبکر نے اپنے دو ساتھیوں عاشق اور فہد علی کی مدد سے گن پوائنٹ پر جواں سالہ دوشیزہ (ع) کو زبردستی اٹھا کر موٹر سائیکل پر بٹھا کر ایک ڈیرے پر لے گئے یہاں پر ملزم ابوبکر نے دوشیزہ کےساتھ زیادتی کی اور فرار ہو گیا۔ فیکٹری ایریا پولیس نے ملزموں کے خلاف مقدمہ درج کر لیا۔ جی ٹی روڈ کی آبادی کالا شاہ کا کو (ایس اے گارڈن) میں اعجاز احمد نے محنت کش رجب علی کے گھر داخل ہو کر اس کی جواں سال بیوی (ن) کو جان سے مار دینے کی دھمکی دے کر اس کے ساتھ زبردستی زیادتی کر ڈالی‘ فیروز والا پولیس نے مقدمہ درج کر لیا۔