سعودیہ پلٹ شخص کو 2افرادنے لوٹ لیا،ہزاروں ریال چھین کر فرار

گوجرخان (نامہ نگار)شجاع احمد سکنہ نتھالہ تحصیل دینہ نے پولیس تھانہ گوجرخان کو تحریری درخواست دیتے ہوئے بتایا کہ وہ محمدگلتاسب اورکیری ڈبہ کے ڈرائیور قیصر حسین کے ہمراہ اپنے ناصرمحمود جوکہ سعودی عرب میں ہوتا ہے اس کو لے کر اسلا آباد ایئرپورٹ سے جہلم کی طرف آرہے تھے جب گوجرخان کراس کیا تو ایک سلور رنگ کی ایک کرولا کار پیچھے سے آئی اور ہوٹر بجا کر رکنے کا اشارہ کیا ہم نے گاڑی سائیڈ پر روکی اور نیچے اتر آئے کرولا کار سے ڈرائیور اور پولیس کی پرانی وردی پہنے ایک شخص آئے پولیس کی وردی پہنے شخص نے کہا کہ ایئرپورٹ سے کال آئی ہے آپ کے ساتھ کوئی مشکوک آدمی ہے اور اس نے تلاشی لینے شروع کر دی اس نے ناصر محمود کی جیب چیک کی تو ناصر محمود نے کہا کہ اس میں پیسے ہیں اس نے کہا کہ جیب میں جو کچھ ہے باہر نکالو اس میں چپ ہے جیسے ہی ناصر نے پیسے نکالے اس نے پیسے چھین لیے جو کہ چوبیس ہزار ریال تھے پیسے چھیننے کے بعد وہ جہلم کی طرف گاڑی بھگا کر لے گئے ۔