لاہور(سپورٹس رپورٹر)آسٹریلیا روانگی سے قبل چیئرمین پی سی بی محسن نقوی سے وائٹ بال کپتان محمد رضوان اور نائب کپتان سلمان آغا نے  ملاقات کی۔ ان کا کہنا تھا کہ وائٹ بال ٹیم کی قیادت  اعزاز ہے، آسٹریلیا اور زمبابوے سیریز میں قوم کو آپ کی قیادت میں ٹیم سے اچھی کارکردگی کی توقع ہے۔متحد ہو کر کھیلنا اور آخری بال تک لڑنا کامیابی کی ضمانت ہے، ٹیم اگر ٹیم بن کر پرفارم کریں گے تو کوئی آپ کو ہرا نہیں سکتا۔ چیمپئنز ٹرافی پاکستان میں ہی ہوگی اور امید ہے کہ  تمام شریک ملک پاکستان آئیں گے۔  بھارت کے آنے کے حوالے سے اللہ بہتر کریگا، پاکستان ٹیم کے نئے کوچ کی تقرری کا فیصلہ جلد ہوگا ۔ فخر زمان کے حوالے سے فیصلہ سلیکٹرز عاقب جاوید اور دیگر کریں گے۔ ٹرافی کیلئے تینوں سٹیڈیمز کی تزین و آرائش مقررہ تاریخ 15 دسمبر تک مکمل ہو جائیگی۔گیری کرسٹن سے معاہدہ نہیں توڑا بلکہ انہوں نے ختم کیا۔ سلیکشن میں دخل اندازی نہیں کرتا ۔