ہر چیز تبدیل نہیں کرونگا‘چیمپئنز ٹرافی کیلئے کمبی نیشن تیار کرینگے : محمد رضوان

لاہور(سپورٹس رپورٹر)قومی ٹیم کے کپتان محمد رضوان نے کہا کہ نوجوان اور سینئر پلیئرز کا کمبی نیشن بنایا ہے ، چیمپئن کپ سے کچھ پلیئر لئے ہیں ، فخر زمان اور امام اچھے پلیئر رہے ہیں ان کی کمی محسوس ہو گی، فخر زمان وائٹ بال کا متاثر کن کھلاڑی ہے۔ عاقب جاوید کے فیصلے ٹیم کے حق میں گئے ہیں، دو تین سال سے اس پر بات ہو رہی تھی کہ پچز ایسی بنائیں ، آسٹریلیا میں کنڈیشنز مشکل ہوتی ہیں اور ٹیم بنانے میں کافی مشاورت بھی کی ہے۔ فیصلہ ہمارے ہاتھ میں نہیں ہے جو بھی کوچ ہو اس کیساتھ کام کرنا ہمارا کام ہے ، ہم اپنی رائے بورڈ کو بتا سکتے ہیں،  اگر ہم سے پوچھا جائے گا تو بتائیں گے کہ کوچ کس کو ہونا چاہیے۔ میرے کپتان بننے سے کوئی ایک دم تبدیلی نہیں آئیگی، پہلے بھی چیزیں درست ہو رہی تھیں ، ایسا نہیں ہو گا کہ میں ہر چیز تبدیل کر دو ں گا۔ صورتحال کو دیکھتے ہوئے ٹی ٹونٹی اوپننگ کا فیصلہ کریں گے ، ابھی کھلاڑیوں کو دیکھ رہے ہیں تاکہ چیمپئن ٹرافی کیلئے بہترین کمبی نیشن بنا سکیں۔