کین ولیمسن بھارت کیخلاف آخری ٹیسٹ میچ بھی نہیں کھیلیں گے ،نیوزی لینڈ کرکٹ

لاہور(سپورٹس رپورٹر) نیوزی لینڈ کرکٹ ٹیم کے بیٹر کین ولیمسن بھارت کے خلاف آخری ٹیسٹ میچ بھی نہیں کھیلیں گے۔نیوزی لینڈ کرکٹ کے مطابق کین ولیمسن تیسرے ٹیسٹ کیلئے بھارت نہیں جائیں گے، وہ انگلینڈ کیخلاف ٹیسٹ سیریز کیلئے فٹنس پر کام کریں گے۔ان دنوں کین ولیمسن گروئن انجری کی ری ہیب کر رہے ہیں۔ ہیڈ کوچ گیری سٹیڈ نے کہا ہے کہ کین ولیمسن پہلے سے بہتر ہیں لیکن احتیاطی طور پر یہ فیصلہ کیا گیا ہے۔نیوزی لینڈ اور بھارت کے درمیان آخری ٹیسٹ میچ جمعہ سے ممبئی میں شروع ہو رہا ہے۔